IIBER UNS
Mir sin e Zyschdigsgrubbe, wo sich im 2009 grindet het.
Mir sin im Glaibasel dehaim und hän dert au unser Iebigslokal.
Iebe dien mir duur s ganze Joor. Mir kemme au in Gnuss jedi Iebig uff unserem Instrumänt z'spiile.
An dr Fasnacht 2010 sin mir denn s erschte Mol in däre Formation gloffe. Mir hän an dr Fasnacht allewyyl unsere Grillwaage drby, damit mir e scheen feyns Zmittag vom Grill kenne ässe.
Mir dien au jedes Joor am erschte Bummelsunntig e Bummel organisiere und e tolle Daag zämme verbringe.
Im 2011 hän mir s erschte Mol am Glaibasler Källerabstiig deerfe mitmache und hän das im 2012 und 2013 wiederholt.
Im 2014 hän mir scho die fimft Fasnacht zämme gmacht. Es isch allewyyl e hammermässig tolli Stimmig!!!
Mir sin mittlerwyyle knapp 20 Mitglieder und an dr Fasnacht 2019 fiire mir unser 10 Joor Jubiläum. E super Sach!!!
Mit satte Fimferrief und zackige Schritt ruesse mir jedes Joor als dyschteri Gschtalte scho frieh am Morge duur d Gasse.
D Giftmischer vo 1349 sin wieder erwache!